کۆبوونەوەیەکی تایبەت بە پڕۆژەکان بەڕێوەچوو
ئەمرۆ سێشەمه، لەکۆبوونەوەیەک، کە بە سەرپەرشتی سەرپەرشتیاری ئیداری سەربەخۆی سۆران هەڵگورد شێخ نەجیب، سەبارەت بە گفتوگۆکردنی ورد دەربارەی دەستپێکردنی کارو پڕۆژە خزمەتگوزارییەکان و بەتایبەت چارەسەرکردنی گرفتی رێگاوبان و قیرتاوکردنی چەند شەقامێکی سەرەکی لە سنووری قەزاکانی ئیدارەی سەربەخۆی سۆران بەڕێوەچوو.
کۆبوونەوە بە بەرهەڤبوونی بەڕێزان بەڕێوەبەری گشتی شارەوانییەکان خسرۆ ئیسماعیل، حەکیم تێلی و بەرپرسی پلان و ئەندازیاران ئەنجامدرا.
دیاریکردن و تەرخانکردنی بودجەی پێویستی پڕۆژەکان لە تەوەری سەرەکی کۆبوونەوەکە بوو.
بڕیاردرا بۆ چارەسەرکردنی بەپەلەی ئاستەنگییە تەکنیکییەکانی بەردەم دەسپێکردنی پڕۆژەکان.
راگەیاندنی ئیدارەی سەربەخۆی سۆران
٢١ی حوزەیرانی٢٠٢٢